Email: [email protected]

Date of Birth: 1963-07-01

Gender: Male

General Expertise: زمان

Specific Expertise: مۆڕفۆلۆجی و فەرهەنگسازی

Employment: full-time

Biography: کە دونیا بۆ مرۆڤ کێڵگەی جیهانی هەرمان بێت، ڕەوا نییە مرۆڤیش لەبەردەم دڕندەکانی ئەم جەنگەڵستانە، دەستەوەستان بۆی بوەستێت، بەڵکو پێویستە بە چەکێک خۆی چەکدار بکات، کە لە هەموو شوێنکاتێکدا، لە هێڕش و بەرگریدا بەکاری بهێنێت. ئەو چەکەش چەکی زانست و مەعریفەیە. کاروانی گۆڕان بەرەو پێشکەوتن تەنیاو تەنیا بە هەڵگرانی ئەم چەکە ئەنجام دەدرێت. سەرقافڵەی ئەو کاروانەش مامۆستایە. بۆیە لای من، مامۆستایەتی ئەو پیشەیەیە، کە هەمیشە شانازی پێوەدەکەم و بە ئەرکی پیرۆزی سەر شانی خۆمی دەزانم. هاوکات ئەنجامدانی توێژینەوەی زانستی، هەڵکردنی چرایەکە بۆ ڕێنمایی ڕێبوارانی کاروانی زانست و مەعریفە. هەست دەکەم، لەبەر ڕۆشنایی ئەم چرایەدا ئاسوودە دەبم. دیارە زانکۆش مەکۆی پێگەیاندنی مامۆستاو پێگەی ئەنجامدانی توێژینەوەی زانستییە. بۆیە زانکۆم هەڵبژاردووە کاری ئەکادیمی تێدا ئەنجام بدەم. هیوادارم ببم بە ئەندامێکی چالاکی ئەو کۆمەڵگا مەعریفییەیە و تا بەتەواوی بتوانم ئەرکی سەرشانم بەرامبەر بە کۆمەڵگاکەم و تەواوی کۆمەڵگای مرۆڤایەتی جێبەجێ بکەم. لە پڕۆسەی پەروەردە و فێرکردندا، کە لە پڕۆفایلەکەمدا ئاماژەی بۆ کراوە و بە هۆی ئەو پسپۆڕییە جیاوازانەی کارم لەسەرکردوون؛ پەروەردە و دەروونزانی، زمان و ئەدەبی ئینگلیزی، زمانی کوردی و فەرهەنگسازی، توانیومە هەر لە قۆناغی یەکی سەرەتایی تاکو چوارەمی زانکۆ دەرسی جۆراوجۆر بڵێمەوە. لە ڕێگەی کۆنفڕانس، وۆرکشۆپ، دیدار، سیمینار و سەمپۆزیۆمەوە بەشداری چالاکی جۆراوجۆری ئەکادیمی، هونەری، ڕۆشنبیری، کەلتووری و کۆمەڵایەتیم کردووە.